Спецыялісты ўпраўлення сельскай гаспадаркі і харчавання Шумілінскага райвыканкама сумесна з прафсаюзам работнікаў АПК падвялі вынікі вясенняй пасяўной.
Сярод механізатараў, якія рупіліся на пасяўных агрэгатах, першае месца ў раёне каторы год запар трымае Павел Баршынаў з ААТ “АграБаравінка”. Сёлета Павел засеяў 1017 гектараў зерневых, зернебабовых і рапсу. Сярод маладых механізатараў на сяўбе адзначаны Ігар Літвін з ААТ “Прыазёрны мір”, якія засеяў 873 гектары зерневых.
Па падрыхтоўцы глебы першае месца ў раёне трымае Міхаіл Шуміла з сельгаспрадпрыемства “Лаўжанскае”, які прадыскаваў за красавік-май 486 гектараў. Сярод механізатараў, занятых на ворыве, адзначаны Юрый Аўчыннікаў з ААТ «Прыдзвінскі», на рахунку якога 299 гектараў.
Старшыня прафсаюза работнікаў АПК Вольга Пусянкова павіншавала лідараў пасяўной і ўручыла падзячныя лісты і грашовыя прэміі. 
Па матэрыялах газеты "Герой працы"
